ضلع ورنگل میں سانپ ڈسنے سے فوت ہونے والے افراد خانداد کی مالی امداد

ورنگل 27؍اگست (اعتماد نیوز)ضلع ورنگل کے چیریال منڈل کے بیوی شوہر اچانک سانپ ڈسنے سے فوت ہوگئے تھے ۔جناب سید مجاہد احسن ناظم ہنمکنڈہ کی قیادت میں جماعت اسلامی ہند ہنمکنڈہ کے ایک وفد نے چیریال پہنچ کر واقع کا جائزہ لیا ۔انہیں دریافت کرنے پر پتہ چلا کہ رات میں شوہر بیوی محو خواب تھے کہ اچانک سانپ نے ڈس لیا ۔انہیں فوری مقامی دواخانہ میں طبی معائنہ کے بعد سدی پیٹ لے جایا گیا وہاں سے گاندھی ہاسپٹل سکندر آباد منتقلی کے دوران شوہر محمد حسین کا انتقال ہوگیا ۔جبکہ رحمت النساء علاج کے دوران چل بسیں ۔بروز اتوار ان دونوں کی چیریال میں تدفین عمل میں لائی گئی ۔پسماندگان میں ایک لڑکی اور دو



لڑکے ہیں ۔لڑکی ریشماں کی شادی ہوچکی ہے ۔جبکہ دونوں لڑکے عارف اور فاروق زیر تعلیم ہیں ۔ان کے سرپرستوں کو دو لڑکے عارف اور فاروق کو انصار انگلش میڈیم اسکول برائے یتامیٰمیں شریک کرانے کا مشورہ دیا گیا ۔تاکہ ان کی تعلیم جاری رکھا سکے ۔مرحوم محمد حسین گل فروش تھے ۔ورثہ کے گھر پہنچ کر انہیں پرسہ دیا گیا ۔اور فوری امداد کے طور پر 5 ہزارروپئے دیئے گئے ۔جناب سید دستگیر ایم پی جے ،محمد افضل تلگو اسکالر ،جناب شیخ بندگی اور جناب منیر الدین اس وفد میں شریک تھے ۔اس موقع پر مقامی مسجد کے صدر سید اقبال نے وفد کے ہمدردانہ اقدام کی ستائش کی اور خواہش کی کہ وہ حکومت کی جانب سے امداد فراہم کرنے کے اقدامات کریں ۔